Indarrean den 2009-12ko Zientzia eta Teknologia Planaren bigarren urtea izan da 2010a. Proiektuak planifikatutakoaren
arabera garatu dira eta kooperatibek
parte-hartze aktiboa izan dute, bertan landu diren
ikerketa-ildoen izaera estrategikoa dela eta. Oinarritzat
hartu den berrikuntza-ereduak emaitza onak izan
ditu eta eredu horrek nazioarteko ikuspuntu garbia
izan du.
Zientzia eta Teknologia Planaren helburuen artean,
honako hauek aipa daitezke: berrikuntza asko sustatzea,
erakundean eragin handia izango duten proiektuen
bitartez; funtzionamendu harmonikoan lagundu
behar du, enpresen eta eragile teknologikoen arteko
lankidetzan, interes bera duten partzuergoak sustatuz,
jakintzak transferitu ahal izateko; eta, azkenik, Mondragon
Unibertsitatearen eta gure Teknologia Zentroen
jarduerak bideratu, koordinatu eta lerrokatuko dituen
politika korporatiboarentzat baliagarria izan behar du.
2009-12 aldirako Zientzia eta Teknologia Planak honako
gai hauek hartzen ditu barne:
- Material eta fabrikazio-sistema berriak
- Informazioaren eta Komunikazioaren Teknologiak
- Energiarako eta Iraunkortasunerako Teknologiak
- Osasunerako Teknologiak
- Enpresa Kudeaketarako Teknologiak, eta Balioei eta
Kudeaketa Parte-hartzaileari buruzko Ikerketa
Planak I+G-ko 22 ildo estrategiko biltzen ditu, eta 39
kooperatiba, gure teknologia-zentro guztiak eta Mondragon
Unibertsitateak ari dira ildook lantzen. Proiektu
horiek Korporazioarentzat arrisku handien dutenak
eta epe luzera egin behar direnak dira, gero horiek negozioetara
eta merkatura bideratzeko.