Industria, Finantzak, Banaketa eta Ezagutza dira MONDRAGON enpresa-talde sendo eta dibertsifikatua bilakatzen dutenak. 160 enpresa baino gehiagok osatua, lankidetzan oinarritutako lanaren erreferentzia da mundu mailan.

Euskadiko lehen enpresa taldea da MONDRAGON, eta Estatuko enpresa nagusien artean garrantzitsuenetako bat. Bost kontinenteetako 37 herrialdeetan dugu presentzia, 104 kanpo-ezarpenekin eta 150 herrialde baino gehiagori salduz.

6.300 ikaslek baino gehiagok osatutako unibertsitatea daukagu, berrikuntzan eta formazio dualean liderra dena. B+G 12 zentro, 2.300 ikertzaile, 174M€ko gastua B+Gn, 374M€ko inbertsioak eta 393 patente-familia indarrean.

Talde kooperatiboa garenez gero, berezkoa dugun elkartze-prozesuak sendotasuna eta elkartasuna sortzen ditu, lankidetza, parte hartzea, gizarte erantzukizuna eta berrikuntza diren gure balioak sustatuz.