Marketin digitaleko irakasle espezialista

Eskaintzaren deskribapena

Enpresagintza, Mondragon Unibertsitateko Enpresagintza Fakultatea, unibertsitate kooperatiboa da, pertsonekin eta gure inguruarekin konprometitua, berritzailea eta gizartearen beharretan murgildua.

AS Fabrik, Bilboko campuserako Marketin Digitalaren eta Datuen arloko espezialista bat bilatzen dugu, gure irakasle-taldeko kide izan dadin Enpresen Administrazio eta Zuzendaritza Graduan (myGADE) eta Business Data Analytics graduan, eskaintza honetan aipatutako espezializazio-arloei lotutako ikerketa-profil baten garapenarekin batera.

Gure ikerketa-eredua ezagutza enpresetara transferitzera bideratzen da, enpresekin lankidetza estuan arituz, gure unibertsitatea erreferente den gaiei lotutako erronkei aurre egiteko. Kasu honetan, marketinaren eta datu-analitikaren esparruan ezagutza berria sortzeko gai diren ikertzaileak bilatzen ditugu, ondoren fakultatea parte den enpresa-ekosisteman aplikazio praktikorako bideak bilatzeko.

Betekizunak

• Doktore edo doktorgai izatea.
• Gradua ADEn, marketinean edo antzekoetan.
• Marketinaren arloko espezializazio-masterra (ahal dela, digitala eta/edo datuen analitikakoa).
• Marketinaren arloan gutxienez 2 urteko lan-esperientzia izatea.
• Ingelesa: Maila altua eta arina. (Irakaskuntza ingelesez emango da).
• Euskara: Maila altua eta arina.
• Beste campus batzuetara bidaiatzeko prestasuna eta malgutasuna (Oñati eta Bidasoa).

Balorazio positiboa egiten dugu:

• Business Analytics, Datu-zientzia, Datuen bistaratzea eta Big Data ezagutzak.
• Ikasleen ikaskuntza-bidaietan laguntzaile gisa atzerrira bidaiatzeko prestasuna.

Eta bueltan eskaintzen dizugu… 

• Proiektu eraldatzailea: gure lanaren bidez gizartearen eta munduaren eraldaketa bilatzen dugu.
• Garapen pertsonala eta profesionala: diseinatu zure bidea, Enpresagintzan egun guztiak desberdinak dira. 
• Taldea eta giro ona: lan talde gazte, anitz, dibertigarri eta konprometitu batekin egingo duzu lan.
• Etengabeko berrikuntza: gizartearen erronkei irtenbideak bilatzen dizkiegu.
• Lanerako autonomia eta auto-gestioa: gure lan egiteko ereduaren oinarria konfiantza da.
• Lan eredu hibridoa: konbinatu campusetako giro ona eta zuk nahi duzun lekutik lan egitea.
• Ordutegi malgua.

Gure Enpresagintza Fakultateari buruz gehiago jakin nahi baduzu, gure webgunea kuxkuxeatzera gonbidatzen zaitugu.

Ezagutu nolakoa den lan egitea Mondragon Unibertsitatea