Material polimerikoen eraldaketan eta karakterizazioan Ikerlari teknikaria

Eskaintzaren deskribapena

Hazten jarraitzen dugu! Egin bat Leartikerrekin eta KauTenikekin, gure taldean parte hartzeko eta enpresen eta gizartearen etorkizuna eraldatzeko!
Profesionalki garatzeko beste modu bat... Ingurune industrialera bideratutako bokazio ikertzailea duten pertsonentzat!

KauTenik enpresa industriala eta Leartiker Zentro Teknologikoa Pertsona baten bila ari gara, material polimerikoen eraldaketara eta karakterizaziora bideratutako ingeniaritza lantalde bateratu batean teknikari ikertzaile gisa sartzeko.

Beste ikertzaile, teknikari eta ingeniari batzuekin lankidetzan garatuko zara, proiektu kolaboratibo baten bidez: Leartiker Zentro Teknologikoan material polimerikoen eta konpositeen eraldaketako I+G eta KauTenikek garatutako piezak eta haien fabrikazio prozesuak baliozkotzeko saiakuntzen karakterizazioa.

Gainera, estatuko eta nazioarteko beste lankidetza proiektu batzuetan lan egiteko aukera izango duzu, alor honetako ezagutzaren garapenean aurrera egiteko.

Zure misioa:

• Polimeroak eta konpositeak transformatzeko laborategiak behar bezala funtzionatzeko beharrezkoak diren eragiketak egitea, araudi eta egiaztapen aplikagarrien arabera, eta Leartikerren eta haren zerbitzu teknologikoen espezializazio teknologikoen ikerketa eta transferentzia teknologikoko beharrei erantzutea.

• KauTenikek garatutako piezak eta haien fabrikazio prozesuak fabrikazio prozesuak karakterizatzeko eta baliozkotzeko saiakuntzak egitea, beharrezko txostenak eginez eta dagozkion produktu auditoretzetan parte hartuz.

Zer eskaintzen dizugu?

• Kontratu mugagabea.
• Punta-puntako jakintza-arlo batean eta merkatuan eskari handia duen etorkizuneko proiektua. Gizartearen etorkizunari zure aletxoa jartzeko aukera.
• Erabakiak hartzeko prozesuetan parte hartzen duen talde gazte proaktibo eta dinamiko bateko kide izatea.
• Lanaldi malgua. Kontziliazioa sustatzeko eta errazteko, ordutegi malgua eta egutegi aparta izango dituzu.
• Benetako garapen profesionala. Zure hastapenetan bidelagun izango gaituzu, eta garapen profesionaleko plan bat diseinatuko dugu, proiektu anitzeko ingurune batean pertsonalki eta profesionalki haz zaitezen, enpresen eta gizartearen lehiarako abantaila hobetuz.
• Zure ongizatea zaintzea. Zure garapen profesionaletik harago, zure osasun fisikoa eta emozionala zaintzeko diseinatutako hainbat jarduera eskainiko dizkizugu, hala nola pilates eta luzaketak, taldeko jarduerak edo... bazkariren bat edo beste!
• Jabekidetza. Leartiker proiektu kooperatiboko kide izateaz harro dagoen Bazkide izateko aukera izango duzu. Hori da gure funtsa, irabazi asmorik gabeko MONDRAGONeko kooperatiba gisa, lehen euskal enpresa taldea.
• Gure kultura, Leartiker Zirrara: Konpromisoaren, konfiantzaren, zerbitzurako orientazioaren, positibismoaren eta zorroztasun zientifikoaren balioak gailentzen diren kultura baten parte izango zara.

Bide batez, Pablo Larreategi, Leartikerreko produktu polimeriko Berrien eta prozesu jasangarrien arduraduna, eta Borja Angulo eta Zuriñe Alberdi, Leartikerreko eta KauTenikeko pertsonen arduradunak, aurkezten dizkizugu, prozesu osoan zehar bidelagun izango dituzunak.

Ezagutzen dituzu gure sare sozialak? Eman begirada bat! LinkedIn, Instagram, Facebook, X, YouTube.

Hazten ari den familia txiki bat gara, eta gure misioa da Leartiker munduko lekurik onena izatea proiektu zirraragarri honen parte garen Pertsonen garapenerako.

Sentitzen duzu Leartiker Zirrara? Bizi Leartiker esperientzia!

Betekizunak

Talde honetako kide izateko beharko duzuna:

• Goi-mailako gradua: plastikoa eta kautxua eraldatzeko prozesuetan, analisi- eta kalitate-kontroleko laborategietan, fabrikazioko plangintza eta kontrolean edo antzekoetan; edo  Ingeniaritza Mekanikoan, Industrialean, Kimikoan edo antzekoetan Gradua. Baina, batez ere, gogoz eta anbizioz betetako Pertsona baten bila gabiz. Ez kezkatu polimeroen transformazioan edo karakterizazioan ezagutzarik ez baduzu, zure formakuntzaz gu arduratuko gara!
• Ingelesa eta euskara menperatzea (ahozkoa eta idatzizkoa).

Gure gogokoa izango zara baldin eta...

• Antzeko lanpostuetan aurretiko esperientzia profesionala baduzu.

Aniztasunarekin dugun konpromisoa
Aniztasuna eta inklusioa Leartiker eta KauTeniken oinarrizko printzipioak dira. Leartikerren aukera berdintasuna dago, eta hautaketa prozesuak gardentasun eta ekitate irizpideei jarraituz egiten dira, generoa, arraza jatorria, nazionalitatea, ideologia politikoa, sexu orientazioa, genero identitatea, adina edo dibertsitate funtzionala kontutan hartu gabe. Pertsonen berezitasunak baloratzen eta errespetatzen ditugu. #PertsonentzakoTeknologia

Ezagutu nolakoa den lan egitea Leartiker