Mundukide Fundazioaren Zuzendaritza Nagusia

Eskaintzaren deskribapena

Mundukiden lan egitea enplegu bat baino gehiago, helburu partekatu bat da.

Etorkizun hobe baten bila dabiltzanekin batera lan egiten duen talde konprometitua gara, tresnak, ezagutza eta laguntza eskainiz beren bidea eraiki dezaten.

Mundukideren zuzendaritza nagusia hartu nahi duen pertsona baten bila gabiltza. Erronka hau zure gain hartu nahi baduzu, zure misioa, Arrasaten zein lankidetza programak garatzen ditugun herrialdeetan gauden pertsona taldea koordinatzea izango da.

Zure egunerokotasunak hau dakar:

• Fundazioaren estrategia, plangintza, ekintzen definizioa eta kudeaketa koordinatzea.
• Fundazioaren Patronatu eta Batzorde Delegatuko organoen aurrean, fundazioaren garapen exekutiboaren ardura hartzea.
• Mundukide erakundeen, elkarteen eta enpresen aurrean ordezkatzea.
• Beste erakunde, plataforma, enpresa edo erakunde batzuekiko harremanen estrategia planifikatzea, haien helburuak eta baldintzak definitzea, gauzatu eta jarraipena egitea.

Hau eskaintzen dizugu:

• Bidaiatzeko aukera, hainbat kontinentetako lankidetza-proiektuak bertatik bertara ezagutzeko aukera.
• Malgutasuna ordutegian eta lantokian.
• Arima benetan betetzen duen bizipena. Eguneroko bizipen horrek eraldatu egiten ditu laguntzen dugunak eta baita ere gure proiektua osatzen dugunok. Mundukiden, lana ez da soilik zereginetan neurtzen, inpaktuan, eraldaketan, eta batez ere, bihotzean neurtzen da.
• Hainbat kooperatiba eta errealitaterekin lankidetzan aritzeko esperientzia.

Betekizunak

Ezaugarri hauek dituzten pertsonak bilatzen ditugu:

• Unibertsitateko titulazioa.
• Erantzukizun postuetan eta pertsonen koordinazioaren arloetan esperientzia izatea, ahal dela lanpostuaren eginkizunekin zerikusia duten arloetan.
• Entzuteko eta integratzeko gaitasuna, dinamismoa eta erabakiak hartzeko gaitasuna.
• Filosofia eta balio kooperatiboekiko sentsibilitatea.
• Euskara jakitea. Ingelesa eta portugesa jakitea balioetsiko da.
• Nazioartean esperientzia izatea balioetsiko da.

Ezagutu nolakoa den lan egitea Mundukide