Ekonomia Zirkularrean eta Jasangarritasunean ikertzaile espezialista (Oñati-Bilbo-Irun)

Eskaintzaren deskribapena

Mondragon Unibertsitateko Enpresagintza Fakultatean Ekonomia Zirkularrean aditua den pertsona baten bila gabiltza, Oñati, Bilbo edo Bidasoa-Irungo gure campusetan iraunkortasunarekin eta negozio zirkularrekin lotutako ikerketa- eta berrikuntza-proiektuetan lan egiteko.

Funtzio nagusiak:

Iraunkortasunarekin eta negozio zirkularrekin lotutako I+G+b (Ikerketa, Garapena eta Berrikuntza) proiektuetan parte hartuko duzu:

• Ikerketa-proiektuak: azterlanak edo ikerketak egiteko diseinatutako proiektu sistematikoak, ekonomia- eta ingurumen-arloko erronkak ebaztera eta horiek inpaktu handiko aldizkari zientifikoen bidez hedatzera bideratutako ezagutza berria sortzeko helburuarekin.
• Berrikuntza-proiektuak: planifikatutako eta gauzatutako ekimenak, produktuetan, zerbitzuetan eta negozio-ereduetan estrategia zirkularrak aplikatzeko helburuarekin, ingurumen-araudi berrietara egokitzeko eta horiei aurrea hartzeko, eta lehia-abantaila eta negozio-aukera berriak sortzeko.
• Lankidetza-sareak: stakeholder desberdinen arteko lankidetza eta sinergia bultzatzeko laguntza, erronka konplexuei heltzeko eta sortzen ari diren aukerak aprobetxatzeko.

Ildo horretan, lurraldeari balioa ematera bideratutako proiektuen diseinuan, erakartzean eta garapenean parte hartuko duzu, hainbat erakunderen eta balio-kateren beharrei erantzunez. Gure jarduera gai hauetan garatzen dugu:

• Teknologia-, merkatu- eta arau-behatokia.
• Negozio-ereduen eraldaketa zirkularra.
• Inpaktu hirukoitzeko metodologiak garatzea.
• Produktuaren eta erakundearen ingurumen-aztarna aztertzea.

Aldi berean, gure prestakuntza-programetan parte hartu ahal izango duzu, eta, bertan, zure esperientzia eta ezagutzak eman ahal izango dituzu.

Iraunkortasunari eta Negozio Zirkularrei buruzko gure ikerketa-esparrua gehiago ezagutu nahi duzu? Ikusi bideo hau, non gure lankide Ainarak zehatzago azaltzen dituen arlo honetan gauzatzen dituzten proiektuak:

Betekizunak

Pertsona proaktiboa, malgua eta iniziatiba duena bilatzen dugu, taldean lan egiteko eta ikerketa- eta berrikuntza-proiektuak gidatzeko gai izango dena. Ekonomia zirkularrari, iraunkortasunari eta negozio-ereduei buruzko ezagutzak izan behar ditu, bai eta esperientzia ere erakundeetan eta ingurunean praktikan aplikatzean.

Betekizun nagusiak:

• Ekonomia, Enpresa, Ekonomia Zirkularra, Jasangarritasuna edo antzeko arloetako doktoregoa.
• Iraunkortasun aplikatuko esperientzia, karbono- eta ingurumen-aztarna barne, eta inpaktu hirukoitzeko ikuspegia.
• Negozio-eredu zirkularren diseinuko ezagutzak eta horrelako ekimenen balorazio ekonomiko-finantzarioa.
• Analisi-metodologiak garatzen eta produktu eta zerbitzu jasangarriak diseinatzen esperientzia izatea.
• Ekonomia zirkularreko proiektuak, nazionalak zein nazioartekoak, gidatzeko eta kudeatzeko gaitasuna.
• Merkataritza- eta harreman-trebetasunak.
• Campusen artean mugitzeko aukera (Oñati, Bilbo eta Irun).

Oso balorazio positiboa egiten dugu:

• Euskara- eta ingeles-maila altua.
• Erakunde publiko eta pribatuekin proiektuak erakartzeko eta garatzeko gaitasun komertzialak.
• Esperientzia artikulu zientifikoak argitaratzen.
• Bizi-zikloaren analisiari buruzko ezagutzak (ACV/LCA, SLCA) eta iraunkortasunari buruzko gaitasunak ("green skills").
• Esperientzia finantzaketa publikoko eskaerak prestatzen eta kudeatzen (Europakoa, estatukoa eta autonomikoa).
• Partzuergoak eta lankidetza-akordioak koordinatzeko gaitasuna.

Eta horren truke eskaintzen dizugu:

• Proiektu eraldatzailea: gizartea eta mundua eredu justuago, jasangarriago eta berdintasunezkoagoetara bideratzea sustatzen dugu, gure lanaren bidez.
• Garapen pertsonala eta profesionala: diseinatu zure bidea, Enpresagintzan egun guztiak dira desberdinak.
• Taldea eta giro ona: talde gazte, askotariko, dibertigarri eta konprometitu batekin lan egingo duzu.
• Etengabeko berrikuntza: gizartearen erronkei irtenbideak bilatzen dizkiegu.
• Autonomia eta auto-kudeaketa lanean: konfiantza da gure lan egiteko moduaren oinarria.
• Lan eredu hibridoa: campusetako giro ona eta nahi duzun lekutik lan egitea uztartzen ditu.
• Ordutegi malgua.

Ezagutu nolakoa den lan egitea Mondragon Unibertsitatea