Instalazio elektrikoko koordinatzailea

Irtenbide elektrikoen diseinuak gustoko badituzu, hau da zure lekua. Mondragon Assemblyn, talde teknikora elkartzeko aukera izango duzu, honako funtzio hauek betez:

Funtzio orokorrak

Diziplina anitzeko talde batean lan egitea, proiektu guztien instalazio elektriko eta pneumatikoaren koordinazioaren arduradun izanik, proiektuen kalitatea, kostuak eta epeak bermatuz.

Makinen diseinua

• Makina diseinatzen ari den bitartean, diseinu elektrikoaren arduradunari laguntza ematea.
• Diseinu elektrikoaren arduradunarekin elkarlanean aritzea armairu elektrikoaren kostuaren kalkuluan, baita armairua eta makinaren instalazioa egiteko behar diren orduen estimazioan ere.
• Instalazio-eremua prestatzea: lan-mahaiak, materialentzako apalak, etab.
• Eskema elektrikoen berrikuspena egitea, osatuta eta akatsik gabe daudela ziurtatzeko.
• Makina instalazioko taldearekin bilera egitea (diseinu elektrikoaren arduradunarekin batera), proiektuari buruzko informazio garrantzitsu guztia helarazteko (instalazio-karpetan jasotakoa):
  • Planteamendu elektrikoa
  • Sarrera/irteeren zerrenda
  • Eskema elektrikoak
  • Material elektrikoen zerrenda
  • Kableak pasatzeko jarraibideak
• Biltegitik entregatutako materialen berrikuspena eta antolaketa, instalazioa hasi aurretik material guztiak daudela ziurtatzeko, eta falta diren elementuen jarraipena egitea.
• Muntaketa-taldearekin lankidetza eta komunikazioa, bi lanak paraleloan koordinatzeko.
• Instalazio-estandarrak definitzea eta hedatzea, instalatzaileek bete beharrekoak.
• Instalazioaren jarraipen periodiko eta jarraitua egitea, gerta daitezkeen akatsak lehenbailehen zuzentzeko.
• Instalazio elektrikoa balidatzea checklist-a erabiliz, eta balidazio horren berri erosketa-arduradunari ematea.
• EPLANen eskema elektrikoetan aldaketak egitea, instalazio errealarekiko zehatzak, fidagarriak eta osoak direla bermatuz.
• Erosketa-taldearekin eta diseinu elektrikoaren arduradunekin batera, instalazioko elementu estandarrak definitzea: kableak, luzapenak, bornak, botoiak, etab.
• Erosketa-taldearekin elkarlanean aritzea instalazioetako hornitzaile nagusiak hautatzeko, bakoitzaren maila baloratuz.

Makinak probetarako instalatzea

• Azpikontratauak koordinatzea makinak dagokien armairuetara instalatzeko, proiektuaren dokumentazioaren arabera.
• Azpikontratauak eta/edo teknikari elektrikoak koordinatzea makinak konektatzeko, dokumentazioaren arabera.

Probak eta martxan jartzea

• Gure instalazioetan zein bezeroaren etxean,makinen proba eta doikuntza mekanikoak egitea.
• Bezeroaren etxean instalazioa egitea.
• Bezeroaren etxean martxan jartzean sor daitezkeen arazoak kudeatzea eta konpontzea.

Dokumentazioa

• Egiteke dauden puntuen zerrendak eguneratuta izatea, zeregin, material-entrega eta abarren aurreikusitako datak jasoz.
• Check-listak betetzea.
• Dagokionean, hobekuntza-proposamenak egitea.
• Etab.

Proiektu honen parte izateko gogoa eta ilusioa duen pertsona baten bila gabiltza, eta, horrez gain, honako baldintzak betetzen dituena:

• Elektrizitate eta Elektronikan Goi Mailako Teknikari ikasketak
• Bidaiatzeko prestutasuna
• Hizkuntzak: ingelesaren eta euskararen maila ona

Bestelako gaitasunen artean, etengabeko ikaskuntzako ingurune batean garatu nahi duten pertsonak, bezeroarekiko orientazioa eta emaitzetara bideratutako jarrera dutenak baloratuko dira bereziki.