Ikasi, lan egin eta izan zaitez proiektu handi baten parte

Hazteko gogoa duten pertsonak bilatzen ditugu, MONDRAGONen etorkizunaren parte izan nahi dutenak.

MONDRAGONen talentua ez da inprobisatzen, esperientzia errealetik garatzen da. Harrobia da unibertsitatean ikasitakoa eta mundu profesionala elkartzen diren lekua. Maila handiko ingurune teknologikoetan lanean hasten zaren tokia, benetako erronkez eta jauzia ematen lagunduko dizuten pertsonez inguratuta.

Zure etorkizuna hemen hasten da.

Benetako proiektuetan lan egingo duzu, inpaktua eta lehiakortasuna sortzen dutenetan.

Esperientzia handiko taldeetan txertatuko zara, nor bere arloan erreferente diren pertsonekin batera, eta horrek egiteko modu ezberdinak ikusi eta ikasteko aukera emango dizu. Egunerokoaren parte diren erronketan arituko zara, benetakoetan, simulatzen ez diren horietan.

Hemen ez zara begira egongo, ekarpenak egingo dituzu.

Une bakar batean ere ez zara bakarrik egongo. Badakigu lehen egunak gogorrak izan daitezkeela: dena da berria, eta normala da hasieran galduta sentitzea.

Zure alboan egongo diren pertsonak une oro izango dituzu laguntzeko prest. Zure ondoan egongo dira lehen egunetik, segurtasuna emateko, zalantzak argitzeko eta behar duzun guztian laguntzeko.

Taldeko kide bat gehiago izango zara, eta konfidantza zein benetako babesa eskainik zaizkizu, betiere ikasteko, huts egiteko eta hobetzeko espazioa bermatuz.

Urrats bakoitza ematen lagunduko dizugu.

Zure esperientzia ez da praktikak egiten dituzun kooperatibara mugatzen, hori baino harago doa: MONDRAGONerako atea da.

Ez zara ibilbide honi ekin dion bakarra; izan ere, zure hautu bera egin duten beste 100 gazte baino gehiagorekin egingo duzu bidea, guztiak abiapuntu berean, zalantza eta ilusio partekatuekin. Ikasturtean zehar, 5 saiotan parte hartuko duzu profesional gisa hazteko, taldearen beste errealitate batzuk ezagutzeko eta barrutik ulertzeko badela enpresa egiteko modu ezberdin bat, lankidetzan, parte-hartzean eta pertsonen garapenean oinarritua.

MONDRAGONeko zure bidea hemen hasten da.