Korporazioko kooperatibetan 1.960 lanpostu berri sortu izana da ekitaldiaren lorpenik handienetakoa. Bestalde, ekitaldi honetan Ekipo Ondasunen sektorearen salmentek izugarrizko hazkundea izan zuten: Danobat kooperatibak 18 milioi euro balio zuten makina-erremintak egin zizkien Txinako Errepublika Popularreko Meizhov eta Norincori. Fagor Arrasatek, bestalde, Txinako Jianghui enpresari espainiar estatuan inoiz egin zen prentsa mekanikorik handiena egin zion. Termoplastikoekin fabrikaturiko produktuak ikertu eta garatzera zuzentzen den MTC enpresa sortzea aurrerapausoa izan zen kooperatiben ahalmen teknologikoa sendotzera zuzenduriko politika finkatzeko. Irizar kooperatibak Principe Felipe saria jaso zuen diseinuaren atalean, eta Espainiako urteko autobusaren saria. Urssa, eraikuntza alorreko kooperatibak Frank Gehry arkitektoak diseinatutako Guggenheim Bilbao eraikinaren egitura metalikoa egin zuen eta Bilboko Metroaren obretan parte hartu zuen. Fagor Electrodomesticosek, bestalde, hozkailuen ekoizpenerako planta zabaldu zuen Mohamedian, Marokon.
