Arantzelak poliki-poliki desagertu eta Merkatu Bakarraren eraketa erronka handia zen gure kooperatibentzat, arau berriek eskatzen zituzten dimentsio eta teknologiara egokitu behar baitzuten.
Lagun Aroren Batzar Nagusiak ezkontza saria kendu zuen; kooperatiben prestaziorik tradizionalenetakoa zen hau emakumeei ezkontzen zirenean ematen zitzaien. Emakumearen rol berria zela eta, prestazio historiko hori zaharkituta eta lekuz kanpo geratu zen. Fabrelec, egun Edesa, Fagorren sartu zen eta horrek Fagorren ekoizpen eta eta komertzio ahalmena sendotu zuen.Horrela bada, etxeko tresna elektrikoen arloko salmentak 313, 85 milioi eurora iritsi ziren eta horietatik 96,71 milioi euro Fabrelecen bidez gauzatu ziren. Eroskik bere banaketa sarean hipermerkatu berri bat gehitu zuen Berangon (Bizkaia), supermerkatu bat Arrasaten, hiri baitako supermerkatu bat Basaurin, etxeko tresna elektrikoetan espezializaturiko bi denda –Bilbon eta Legazpin– eta bidai agentzia bat, Algortan.
