Ulgor lehen kooperatiba sortu zela urteak betetzen ziren egunean, apirilaren 14an, MCCren zerbitzaria sortu zen Interneten. Gune horrek informazio zabala eskaintzen zion bisitariari Korporazioari buruz zein MONDRAGON Esperientzia Kooperatiboari buruz (www.mcc.es).
MCC Desarrollo sortu zen. Talde garapenerako plataforma Eusko Jaurlaritzak eta MONDRAGON korporazioak osatzen dute eta industria alorreko egitasmo kooperatiboak garatzea du helburu, hauek bultzatzeko finantziazioa jarriz eta hasierako kapitalean parte hartuz. Fagor Electrodomesticos hartzen duen Etxetresnen Dibisioak beste zifra borobil bat lortu zuen: 100.000 milioi pezeta (600 milioi euro) gauzatu zituen urtean salmentetan. Kantabriako Enyca enpresa, telekomunikazioetan espezializatua, Korporazioan sartu zen. Fagor Ederlanek bere produkzio gaitasuna hobetu zuen, horretarako aluminio injekziorako 1.800 tonako eta 2.500 tonako zelulak abian jarriz. Fagor Automation kooperatibak nazioarteko presentzia garatu zuen, filialak zabalduz Estatu Batuetan, Erresuma Batuan, Portugalen, Suitzan eta Korean.
