MONDRAGONentzat ekitaldi bereziki ona izan zen. Langile taldean 7.500 lagun gehiago sartu ziren, eta % 13tik gorako igoera izan zen salmentetan. Inbertsioek 866 milioi euroko zenbatekoa erdietsi zuten; inbertsio gehienak industri arloan egin ziren.
Lagun Aro mutualisten taldeak 29.538 kide zituen, 120 kooperatibatan banatuta; urtean 299 laguneko gehikuntza garbia izan zuen, beraz. Mutualisten talde horretan, 7.303 pentsiodun daude, aurreko urtearen itxieran baino 419 gehiago, hain zuzen. 298 milioi euroko inbertsio ahaleginari esker, Banaketa taldeak 140 gune berri zabaldu zituen; besteak beste, bost hipermerkatu, zazpi gasolina zerbitzugune, Eroski Bidaiak agentziaren 49 bulego, aisia eta kiroletako zortzi denda, eta 49 lurrin denda. Produktuen eta prozesuen gestioaren kalitatea hobetzen jarraitu dugu. Dagoeneko, ingurumen kalitateko 108 ISO-9000 egiaztagiri eskuratu ditugu, eta 42 ISO-14000 egiaztagiri. EFQM ebaluazioetan ere hobera egin dugu. Konfort arloko negozioari esker, Fagor Electrodomesticos enpresari Euskaliten Zilarrezko Q eman diote.
